बाँके, २३ चैत । जिल्ला कोभिड १९ संकट व्यवस्थापन केन्द्र बाँकेले १२ चैतमा अत्यावश्यक काम बाहेक भारतीय बजार रुपैडिया जान प्रतिबन्ध लगाएको थियो । तर, त्यसको कार्यान्वयन हुन सकेको छैन ।
नाकामा प्रतिबन्धको छनक पनि पाइँदैन । दैनिक उपभोग्य वस्तु खरिद गर्न सीमावर्ती बजार जानेको घुइँचो उस्तै छ । कोहलपुर नगरपालिका ८ की सविता बोहोरा, उनकी दिदी भूमिका बोहोरा र भतिजी कविता बुढा रुपैडियाको एक पसलमा कुर्तासुरुवाल मोलमोलाइ गरिरहेका थिए । ८ सयमा दिनुस् न दाइ ।
यो कोहपुरमै एक हजार रुपैयाँमा पाइन्छ, उनीहरुले भाउ घटाउन खोजे । पसल सञ्चालक रजा इमाम रिजिवी भन्दै थिए । ‘१२ सयको सामानलाई हजारमा दिएको छु । एक रुपैयाँ पनि घट्दैन ।’ रिजिवीले मास्क लगाएका थिएनन् ।
किशोरीहरुले लगाएको मास्क चिउँडोमुनि थियो । ‘कारोनाको डरले यो त लास्टै चोटि हो भन्छौं पहिलेको वाचा बिर्सन्छ फेरि आइहाल्छौँ, सविता भन्दै थिइन्, भारतमा कोरोना बढ्दो दरमा छ । त्यो पनि थाहा छ । सामान सस्तो पाइन्छ भनेर आउन मन लागिहाल्छ ।’ अन्नपूर्ण पोष्ट दैनिकबाट
