काठमाडौं। नेपालका ५० जिल्लामा रहेका जेलहरुमा १ हजार १ सय ९३ जना विदेशी नागरिक कैदीबन्दीको रुपमा रहेको पाइएको छ।कारागार व्यवस्थापन विभागका अनुसार नेपालमा रहेका विदेशी कैदीबन्दीमा सबैभन्दा ठूलो संख्या भारतीयहरुको रहेको छ। त्यसपछि ठूलो संख्या भुटानीहरुको रहेको छ।विदेशी कैदीबन्दीहरु मध्ये सबैभन्दा बढी पर्सामा १९८ जना, ललितपुरमा १२६, काठमाडौंको जगन्नाथदेवलमा १६५ जना, मकवानपुरमा ७६ जना र बाँकेमा ५८ जना रहेका छन्। बाँकी अन्य जिल्लामा रहेका छन्।