रुकुम । रुकुम पश्चिमका मालपोत कार्यालयका हाकिमले रक्सी पिएर सेवा प्रवाहमा मनपरी गरेपछि फक्राउ गरिएको छ । रक्सी खाएर कार्यालय आएको र सेवाग्राहीको कामकाजमा लापर्बाही गरेको गुनासो प्रहरीमा पुगेपछि निमित्त प्रमुख गोर्खबहादुर खड्कालाई जिल्ला प्रहरी कार्यालय रुकुम पश्चिमले पक्राउ गरेको हो ।उनीमाथि कार्यलयमै रक्सी पिएर आएको र सेवा प्रवाहमा लापर्बाही गरेको चार्ज लागेको छ । जिल्ला प्रहरी कार्यालयबाट खटिएको प्रहरीको विशेष टोलीले उनलाई पक्राउ गरेको हो ।सेवा प्रवाहमा आएको गुनासोपछि कार्यालय समयमै मदिरा सेवन गरेको अवस्थामा खड्कालाई पक्राउ गरिएको प्रमुख जिल्ला अधिकारी बद्रीनाथ गैरेले सञ्चारकर्मीलाई बताएका छन् । उनका अनुसार प्रमुख खड्कालाई प्रचलित स्थानीय प्रशासन ऐनअनुसार कारबाही गरिनेछ ।