नेकपा एमालेका अध्यक्ष एवम प्रधानमन्त्री केपी शर्मा ओली र वरिष्ठ नेता माधवकुमार नेपालबीच वार्ता भइरहेको नागपोखरीस्थित होटल मेरियटबाट भर्खरै प्रमुख प्रतिपक्षी नेपाली कांग्रेसका नेता बालकृष्ण खाँण बाहिरिएका छन्।
एक घण्टादेखि ओली-नेपाल वार्तामा रहेका बेला नेता खाँण मेरियटबाटै बाहिरिएका हुन्। नेता खाँण ओली-नेपालसँग छलफलबाट बाहिरिएका हुन् या अन्य कामले त्यहाँ पुगेका हुन् खुलिसकेको छैन।
उनी अहिले साँझ निजी गाडी प्रयोग गरेर मेरियटबाट बाहिरिएका हुन्। उनले त्यहाँ राजनीतिक संवाद गरे नगरेको पुष्टि भएको छैन।
मंगलबार मात्रै एमाले नेताहरु माधवकुमार नेपाल र झलनाथ खनाल प्रधानमन्त्री ओलीलाई सत्ताबाट बिदा गर्ने प्रस्ताव लिएर बूढानीलकण्ठ पुगेका थिए।
-फरकधारबाट
