दमक/झापाको दमकमा उपचाररत इलामकी एक जना कोरोना संक्रमित महिलाको आज बिहान मृत्यु भएको छ ।
दमकस्थित एडभान्स अस्पतालमा उपचाररत इलामको रोङ गाउँपालिकाकी ५२ बर्षिया एक महिलाको आज बिहान करिब ४ बजे मृत्यु भएको अस्पतालले जनाएको छ ।
ति महिलालाई करिब १० दिन अघि उपचारका लागि अस्पताल ल्याइएको थियो । यससंगै सो अस्पतालमा कोरोना संक्रमित मृतकको संख्या ७ पुगेको छ । ४ जनाको उपचारका क्रममा र ३ जनाको उपचारका लागि ल्याउँदा ल्याउँदै बाटोमै मृत्यु भएकाहरु अस्पतालमा मृत्यु पुष्टि भएको हो । सो अस्पतालमा हाल करिब २० जना संक्रमितको उपचार भइरहेको छ ।