मोरङको विराटनगर महानगरपालिका–१२ बाट प्रहरीले १ दर्जन जुवाडेलाई पक्राउ गरेको छ ।
विराटनगर–१२ स्थित संगत गीत गजलमा जुवा खेलिरहेका १२ जनालाई लाई पक्राउ गरिएको जिल्ला प्रहरी कार्यालय मोरङले जनाएको छ । जिल्ला प्रहरी कार्यालय मोरङको टोलीले जुवाखालबाट २ लाख ३१ हजार नगद बरामद गरेको छ ।
पक्राउ पर्नेमा विराटनगर बस्ने राहुल सहनी, भुवन कालाखेती, राजन पौदार, दिनेश सत्रा र सुवोध पासवानसहित १२ जना छन् ।
आरोपीहरु विरुद्ध जुवा ऐन–२०२० अनुसार जिल्ला प्रशासन कार्यालय मोरङबाट ५ दिनको म्याद लिएर अनुसन्धान भइरहेको जिप्रका मोरङका प्रवक्ता (डिएसपी) दिपक श्रेष्ठले बताए । रातो पाटि बाट
