टिपरको ठक्करबाट मोटरसाइकल चालकको मृत्यु

मोरङ । मोरङमा टिपरको ठक्करबाट मोटरसाइकल चालकको मृत्यु भएको छ । सुन्दरहरैँचा नगरपालिका–७ स्थित गोठगाउँमा पूर्वबाट पश्चिमतर्फ जाँदै गरेको को१ख ६५०३ नम्बरको टिपरले विपरीत दिशातर्फ आउँदै गरेको प्रदेश १-०२-०४१ प ९१२५ नम्बरको मोटरसाइकललाई ठक्कर दिँदा पथरी शनिश्चरे नगरपालिका–२ निवासी ४३ वर्षीय वीरेन्द्र लिम्बूको मृत्यु भएको प्रहरीले जनाएको छ । दुर्घटनामा गम्भीर घाइते भएका उनको उपचारका क्रममा धरानमा मृत्यु भएको हो । टिपर र टिपर चालकलाई प्रहरीले नियन्त्रणमा लिएको छ ।