संसद अवरुद्ध गर्ने एमालेको निर्णय प्रति नेकपा समाजवादीको आपत्ती

नेकपा एकीकृत समाजवादीले संसदमा प्रभावकारी रुपमा भूमिका निर्वाह गर्ने निर्णय गरेको छ । बुधबार संसद भवन नयाँ बानेश्वरमा बसेको समाजवादीको संसदीय दलको बैठकले नेकपा एकीकृत समाजवादी जिम्मेवार पार्टी भएकाले संसदमा प्रभावकारी रुपमा भूमिका निर्वाह गर्ने निर्णय गरेको हो ।

बैठकले आफ्ना पार्टीका सांसदलाई संसदमा रहे संसद अवरुद्ध गर्ने एमाले निर्णयप्रति आपत्ती जनाएको छ । एकीकृत समाजवादीका सांसद विरोध खतिवडाले एमाले अध्यक्ष केपी ओलीले अझै पनि आफूलाई संविधान, कानुन, नियमावलीभन्दा माथि राख्न खोजेको भन्दै सदनमा आफ्नो भूमिका देखाउने बताउनुभयो ।

बैठकले संसदीय दलको बिधान सुझाव सहित पारित गरेको छ। उक्त बिधान केन्द्रीय कमिटीमा पेश गर्ने निर्णय भएको खतिवडाले बताउनुभयो।