राष्ट्रिय

मोरङको कांग्रेस अधिवेशनमा संस्थापनइतर बलियो


  मोरङ   सवाल नेपाल   २०७८ मंसिर ९, ११:५०

काठमाडौं–मोरङका ५ वटा क्षेत्रमा कांग्रेस सभापति चयन भएका छन्। नतिजा प्रकाशित भएका क्षेत्रका सभापतिमा संस्थापनइतर पक्ष बलियो देखिएको छ।

४ वटा क्षेत्रमा संस्थापनइतरका सभापति विजयी हुँदा १ क्षेत्रमा संस्थापनपक्ष विजयी भएका छन्। मोरङ ४ को मतगणना भने जारी रहेको छ।

मोरङ-१ मा शंकर राई, २ मा नागेश्वरप्रसाद सिंह, ३ मा गणेश खड्का, ५ मा जीवछ गच्छदार र क्षेत्र नम्बर- ६ मा देवराज तामाङ्ग विजयी भएका छन्। मोरङ-१ मा संस्थापनइतरका राई र मोरङ-५ मा गच्छदार सर्वसम्मत चयन भएका हुन्। उनी संस्थापन पक्षका हुन्।

मोरङ-२ मा निर्वाचित सिंह संस्थापनइतरका हुन्। सिंहले सत्यनारायण पण्डित र यज्ञ कार्कीलाई सभापतिमा हराएका हुन्। मोरङ-३ मा संस्थापनइतरका खड्काले अर्का उम्मेदवार गणेश ढकाललाई हराएका छन्।

मोरङ-४ मा बसन्त हुमागाँइ र विनोद बस्नेतबीच मतगणना जारी रहेको छ। बुधबार बेलुकाबाट सुरु गरिएको मतगणना जारी रहेको निर्वाचन समितिले जनाएको छ।

फेसबुकमा तपाईको प्रतिक्रिया

थप समाचार