नेपाली मजदुर सवार रहेको बस भारतको लखिमपुरखिरी जिल्लामा दुर्घटना हुँदा १ शिशुको मृत्यु भएको छ भने ५ जना घाइते भएका छन् ।
उत्तर प्रदेशस्थित लखिमपुरखिरी जिल्लाको भिरामा शुक्रवार भएको दुर्घटनामा बसमा सवार अछामको बान्नेगढी जयगढ नगरपालिकाका केशव थापाका ४ महिने शिशुको मृत्यु भएको हो ।
दुर्घटनामा घाइते ५ जना नेपालीको अवस्था सामान्य रहेको छ । बसमा सवार ५६ जनामध्ये अन्यको अवस्था सामान्य रहेको जिल्ला प्रहरी कार्यालय कैलालीका प्रहरी नायब उपरीक्षक बेदप्रकाश जोशीले जानकारी दिए ।
धनगढीको अछाम होटलका सञ्चालकको कालिका मष्टाबण्डली टुर्स एण्ड ट्राभल्सबाट टिकट लिएर यूपी ०३३० पी १३७५ नम्बरको बस भारतको राजकोट जान लागेका अवस्थामा दुर्घटना परेको जनाइएको छ ।
प्रतिक्रिया
सम्बन्धित खवर
