काठमाडाैंकाे गोपीकृष्ण सिनेमा हल भत्काएर होटेल बनाउन थालिएकाे छ । अढाई दशकअघि सञ्चालनमा आएकाे सिनेमा हल भत्काएर १४ तले होटेलकाे निर्माण थालिएकाे हाे । दैनिक १० हजारभन्दा बढी दर्शकले फिल्म हेर्न मिल्ने हल भत्काउन थालिएकाे छ ।

भवन भत्काएर उक्त स्थानमा १४ तलाको स्टिलबाट आइकोनिक टावर बनाउन जुटेका छन् । टावरमा पाँचतारे होटेल, मल्टिप्लेक्स सिनेमा हल, सपिङ कम्प्लेक्स र मनोरञ्जनका विभिन्न गतिविधिहरू हुनेछन् ।

टावरमा थ्रिडी डिजिटल बिलबोर्ड, मल्टिप्लेक्स, एयर स्विमिङ पुल, रोबोटिक सुगालगायत थुप्रै अत्याधुनिक आकर्षणहरू रहनेछन् । पाँचतारे होटेल र अत्याधुनिक सपिङ कम्प्लेक्सले गोपीकृष्णलाई प्रिमियम स्पटका रूपमा पनि चिनाउनेछ । यो पूरा परियोजनामा करिब ६ अर्ब लगानी हुने अनुमान छ ।