महोत्तरी : बाक्लो हुस्सु र शितलहरले जनजीवन प्रत्यक्षरुपमा प्रभावित भएपछि महोत्तरीको सोनमा गाँउपालिकाले सामुदायिक विद्यालयहरुमा जाडो बिदा दिएको छ । गाँउपालिकाको कार्यालयले पुस २० गतेदेखि पुस २३ गतेसम्म चार दिनको लागि जाडो बिदा दिएको हो ।

गाँउपालिकाका प्रवक्ता अशोककुमार यादवका अनुसार गाँउपालिकाभरिमा संचालित १७ वटा सामुदायिक विद्यालय, एउटा निजी विद्यालय र एउटा मदर्शामा बिदा दिइएको हो । वर्षे बिदाबाट कट्टा हुनेगरी सो बिदाको व्यवस्थापन गरिएको प्रवक्ता यादवले जानकारी दिए ।

मौसम प्रतिकुलताको कारण घरबाट विद्यालय आउनका लागि स—साना बालबालिकाहरुलाई समस्या भएपछि पालिकाको निर्णयानुसार बिदा दिएको शिक्षा शाखाका प्रमुख राजकुमार साहले जानकारी दिए ।