नोबेल मेडिकल कलेजका विद्यार्थीको आन्दोलन अराजक बन्न थालेको छ ।
आन्दोलनरत विद्यार्थीले कलेज सञ्चालकको ‘शवयात्रा’ गरेका छन् ।
विराटनगर महानगरपालिका–४ वडा कार्यालय छेउबाट ‘शवयात्रा’ निकालेर शंख बजाउँदै गएका विद्यार्थीले मेडिकल कलेज परिक्रमा गरेका थिए ।
कलेज परिसरभित्र ‘शवयात्रा’ परिक्रमा गराएर विद्यार्थीले मुख्य गेटमा आएर रुँदै शवको पुत्ला जलाएका छन् ।
कलेज परिसरमा नेपाल प्रहरी र सशस्त्र प्रहरीलाई बाक्लो रूपमा परिचालन गरिएको छ । अतिरिक्त शुल्क नबुझाउने विद्यार्थीलाई कलेज प्रवेशमा रोक लगाइएपछि पीडित बनेका विद्यार्थी गत पुस १० गतेदेखि आन्दोलन गरिरहेका छन ।
जिल्ला प्रशासन कार्यालय मोरङको निर्देशनमा पुस ११ गतेदेखि पठनपाठन सञ्चालन गरेको कलेज प्रशासनले अतिरिक्त शुल्क नबुझाएको भन्दै २ दिनपछि पुस १४ गतेदेखि पठनपाठनमा रोकेको थियो ।
कलेजमा रहेका १०० विद्यार्थीको कोटामा भर्ना भएका ९६ विद्यार्थीमध्ये ९ जना भारतका, १० जना छात्रवृत्तिका र ५ जना अतिरिक्त शुल्क बुझाएका विद्यार्थीलाई पढाइरहेको छ ।
आयोगले एमबीबीएस अध्ययनका लागि कूल ४४ लाख ३६ हजार २५ रुपैयाँ शुल्क निर्धारण गरेको छ । त्यसमध्ये प्रथम वर्षको १४ लाख ८५ हजार अभिभावकले बुझाइसकेका छन् ।
प्रतिक्रिया
सम्बन्धित खवर
