नेकपा (माओवादी केन्द्र)का अध्यक्ष पुष्पकमल दाहालले मतदान गरेका छन्। चितवनको भरतपुर महानगरपालिका–१४ स्थित प्रहरी स्कुल शिवनगर पुगेर दाहालले बिहान पहिलो मतदान गरेका हुन्।
प्रतिनिधि र प्रदेशसभा निर्वाचनमा मतदान गर्नका लागि दाहाल शनिबार नै गोरखाबाट चितवन आएका थिए। यस मतदानस्थलमा १७ सय ७ मतदाता रहेका छन्।
२०७४ सालको निर्वाचनमा दाहालले यहीँ क्षेत्र चितवन क्षेत्र नम्बर ३ बाट निर्वाचित भएका थिए। तर, अहिले त्यहाँ असुरक्षित देखेपछि गोरखा २ बाट उम्मेदवार बनेका छन्।
चितवन क्षेत्र नम्बर तीनमा गठबन्धनबाट माओवादीका डा.भोजराज अधिकारी, राप्रपाका विक्रम पाण्डे, स्वतन्त्रबाट दिनेश कोइराला लगायतको १९ जनाको उम्मेद्वारी रहको छ।