माओवादी अध्यक्षसमेत रहेका प्रधानमन्त्री प्रचण्ड, एकीकृत समाजवादीका अध्यक्ष माधव नेपाल र जसपा अध्यक्ष उपेन्द्र यादवबीच सहकार्य र राजनीतिक स्थायित्वका विषयमा मंगलबार छलफल भएको छ। राष्ट्रपति निर्वाचनसम्म हेर्ने र त्यसपछि मात्रै मन्त्रिपरिषद् हेरफेर गर्ने योजनामा रहेका प्रधानमन्त्री प्रचण्डले एकीकृत समाजवादी र जसपासँग संवाद थालेका हुन्।

संवैधानिक पदमा राष्ट्रिय सहमति खोज्ने प्रधानमन्त्री प्रचण्डको प्रस्तावपछि एमाले असन्तुष्ट छ  भने मन्त्रालय भागबन्डामा असहमति जनाउँदै जसपा सरकारमा सहभागी भएको छैन त्यसैगरी एकीकृत समाजवादी प्रतिपक्षमा छ।

जसपा अध्यक्ष उपेन्द्र यादवले सामान्य सामान्य हाई–हेलो भएको बताए  भने एकीकृत समाजवादीका महासचिव डा. बेदुराम भुसाल तत्कालको प्राथमिकता सरकार नभई संगठन निर्माण, विस्तार र सुदृढीकरण भएको तर परिस्थिति फेरिए नयाँ ढंगले अघि बढ्न तयार छौं भन्छन।

प्रचण्डले पूर्वमाओवादीसहित एकीकृत समाजवादीसँग पार्टी एकता र जसपासँग मोर्चा बनाउन चाहेका छन् त्यसैले भेटमा समाजवादी केन्द्र निर्माणबारे पनि छलफल भएको बताइएको छ।

फेसबुकमा तपाईको प्रतिक्रिया

थप समाचार