प्रधानमन्त्री निवास बालुवाटारमा शुक्रबार बसेको नेपाली कांग्रेस, नेकपा (माओवादी केन्द्र), जनता समाजवादी पार्टी र नेकपा (एकीकृत समाजवादी) को बैठक मार्फत मंसिर ४ को चुनावअघिको गठबन्धन ब्युँताउन सहमत भएका छन्।

बैठकपछि सञ्चारकर्मीसँग कुरा गर्दै नेपाली कांग्रेसका महामन्त्री गगन थापाले कांग्रेस र अन्य दलले आफ्ना आफ्ना प्रस्ताव राखेको बताए।

एकीकृत समाजवादीको अध्यक्ष माधवकुमार नेपाललाई राष्ट्रपति बनाउनुपर्ने अडानमा जसपाले साथ दिएको छ भने माओवादीले चारै दलको सहमतिमा निर्णय गर्नुपर्ने बताएको छ।

कांग्रेस नेताहरूले भने राष्ट्रपति आफूले पाउनु पर्ने र एक कार्यकाल प्रधानमन्त्री माधव नेपाललाई बनाउन सकिने प्रस्ताव गरेका थिए।