दमक/ झापाको दमकमा आज मंगलबार बिहान भएको सवारी दुर्घटनामा एक महिलाको मृत्यु भएको छ । दमकको पशुहाट डाँडामा बन्दाकोवी बोकेको मालबाहक ट्रकले मोटरसाइकललाई बिहान ८ बजे ठक्कर दिँदा कमल गाउँपालिका वडा नं ५ की ४२ बर्षिया मुना गौतमको घटनास्थलमै मृत्यु भएको प्रहरीले जनाएको छ ।

उहाँ आफ्नै श्रीमान सुकदेव गौतमले चलाएको मोटरसाइकल पछाडी सवार हुनुहुन्थ्यो । मोटरसाइकल चालक सुकदेवको उपचारका लागि दमक अस्पताल पठाइएको र अवस्था समान्य रहेको जिल्ला प्रहरी कार्यालय झापाले जनाएको छ । ठक्कर दिने ट्रकका चालक तेह्रथुमका २५ बर्षिया आङदावा शेर्पा र ट्रकलाई प्रहरीले नियन्त्रणमा लिएको छ ।