काठमाडौं– सहकारी ठगीमा जेल परेका राष्ट्रिय स्वतन्त्र पार्टीका सभापति रवि लामिछानेलाई भिटामिन ‘डी’ नपुग्दा स्वास्थ्यमा समस्या देखिएको छ।
बुटवलको सुप्रिम सहकारी प्रकरणमाको मुद्दामा पक्राउ परेका लामिछाने गत चैत २५ गतेयता निरन्तर जेलमा छन् । सुरूमा भैरहवा कारागार राखिएका उनलाई अहिले ललितपुरको नख्खुमा सारिएको छ ।
चार महिना बढी समयदेखि जेलको बासले घाम देख्न नसकेका रविको शरीरमा भिटामिन ‘डी’को कमी भएर समस्या आएको चिकित्सकले बताएका छन् ।
स्वास्थ्यमा सावधानी अपनाउनु जरूरी रहेको भन्दै रविलाई सुझाव दिन ट्रमा सेन्टरका डा. जितेन्द्रप्रसाद यादव नख्खु कारागार पुगेका छन् ।
भैरहवा कारागारमा घाम देख्न नपाएका उनी बाहिरको हावा र घाम देख्न नपाउँदा विरामी परेको रास्वपाका एक नेताले बताएका छन् । शरीरमा घामको कमीले स्वास्थ्यमा समस्या देखिएको बताइएको छ ।
घामको अभावमा रविको शरीरमा समस्या देखिएको छ । भैरहवामा अँध्यारो कोठामा रहेका रविलाई नख्खु आएपछि समस्या बढेको हो । शरीर पहेँलो देखिएपछि जन्डिसको आशंका गरिए पनि भिटामिन ‘डी’ कमी भएको चिकित्सकले बताएका छन् । खबर हब साभार गरिएको
