दमक जेसिसले आफ्नो ३६ औ बार्षिक उत्सव तथा जेसिस सप्ताह भब्यताका साथ मनाउने तयारी अन्तिम चरणमा पुर्याएको छ ।
भदौ २१ गते बिहिबार बिहान सचिवालयमा उद्घाटन र त्यसपछि बृक्षारोपण आयोजना गरेर जेसिज सप्ताह उद्घाटन हुने छ । शुक्रबार बिहान स्वास्थ्य र वातवरण संरक्षणका लागि सचेतना फैल्याउने उदेश्यले साइकल यात्रा गरिने जेसिस सप्ताह तथा बार्षिक उत्सव मूल संयोजक दमक जेसिसका कार्यकारीणि उपाध्यक्ष सुयोग खरेलले बताए ।
यसैगरी सोहिदिन सरस्वती माबिका दृष्टिबिहिनहरुलाइ सहयोग बितरण र सतासीधाममा रहेको गौशलालाइ सहयोग गर्ने कार्यक्रम पनि रहेको खरेलले जानकारी दिएकाछन् ।
यसैगरी शनिबार माध्यमिक बिद्यालयस्तरीय हाजिरी जवाफ प्रतियोगिता र कार्यक्रम समापन समारोहको आयोजना हुने दमक जेसिसका महासचिब चन्द्र खत्रीले बताएकाछन् ।
