दमक/आफना जन्मदिनमा झापा, दमक–६ की पूजा समालले आज स्थानीय सरस्वती माविका दृष्टिविहीनहरुलाई भोजन खुवाएकी छन् । दृष्टिविहीनहरु अध्ययनरत विद्यालयमा पुगेर २८ बर्षिय समालले त्यहाँँका २० जना विद्यार्थीहरुलाई खाजा,खानाको व्यवस्थापन गरेकी हुन् ।
आफना जन्मदिनमा बर्षेनी सामाजिक कार्य गरिआएकी उनले तडकभडक गरेर मनाउने चलनलाई हटाउन त्यस्तो सामाजिक कार्यमा जोड दिदै आएकी बताउछिन् । उनले भनिन्,–‘ जन्मदिनमा गरिने तडकभडक रोक्न सचेतनाका रुपमा मैले आफनो जन्मदिन मनाउदै आएकी छु ।’
विज्ञापन (ADVERTISEMENT)
जन्मदिनका नाममा मदिरापानमा हुने खर्च यसरी सामाजिक कार्यमा लगानी गर्न सके थोरै भएपनि त्यस कामले पूण्य प्राप्त हुने उनको भनाई छ । पछिल्ला आधा दशक यता पूजाले कहिले आश्रम,कहिले मठमन्दिरमा आश्रित माताहरुलाई यसरीनै सक्दो सहयोग गरिआएकी बताउछिन् ।
