अर्घाखाँची : अर्घाखाँचीको मालारानी गाउँपालिका वडा नं. २ सापडाँडामा बस दुर्घटना हुदा दुई जनाको मृत्यु भएको छ भने ३० जना घाइते भएका छन् ।
मालारानी गाउँपालिकाको अर्घातोष डाँडाकटेरीबाट बुटवलका लागि छुटेको लु १ ख ७५१८ नम्बरको बस मालारानी २ सापडाँडामा दुर्घटना भएको हो ।
घाइते मध्ये १० जनाको अबस्था गम्भीर रहेको स्थानीय टंक खनालले जानकारी दिए ।
घाइतेहरुको अहिले उद्दार भइरहेको जिल्ला प्रहरी कार्यालय अर्घाखाँचीका प्रहरी नायव उपरीक्षक एकनारायण कोइरालाले बताए ।
बस सडकदेखि १०० मिटर तल खसेको थियो ।घाइतेको उपचारका लागि सन्धिखर्क, तम्घास पठाउने काम भैरहेको घटनास्थलबाट स्थानीय भरत थापाले जानकारी दिए ।
