काठमाडौं । अन्ततः गोरखा क्षेत्र नम्बर २ मा नेकपा माओवादी केन्द्रका नारायणकाजी श्रेष्ठ र नयाँ शक्ति केन्द्रका संयोजक बाबुराम भट्टराईबीच प्रतिस्पर्धा हुने भएको छ ।
वाम गठबन्धनमा १५ सिटको दावी गरेपछि बाहिरिएका बाबुराम कांग्रेसको सहयोगमा गोरखा २ बाट नारायणकाजीसँग भिड्न लागेका हुन ।
गएको स्थानीय चुनाबमा कमजोर उपस्थिति रहेको नयाँशक्ति पार्टीका संयोजक बाबुरामले गोरखाबाट चुुनाब जित्ने अवस्था नभएपछि सहयोगका लागि विना कुनै पूर्व तयारी अन्तिम अवस्थामा वाम गठबन्धनमा सहभागी भएका थिए ।
तर आधार र औचित्य विना प्रतिनिधिसभाका लागि १५ र प्रदेशसभाका लागि वाम गठबन्धमा ३० सिटको दावी गरेपछि माओवादी र एमालेले उनको माग पुरा गर्न नसक्ने बताए । त्यसपछि बाबुराम कांग्रेस सभापति शेरबहादुर देउवासंग पुगें ।
लामो विवादपछि अन्ततः कांग्रेसले बाबुरामलाई साझा उम्मेदवार बनाउने निणर्य गरेको छ । तर बाबुरामलाई माओवादीका वरिष्ठ नेता नारायणकाजीसँग प्रतिस्पर्धा गर्न फलामको चुरा भन्दा बढी हुने जानकारहरु बताउँछन ।
स्थानीय चुनाबको मतपरिणमलाई आधार मान्ने हो भने कांग्रेस र नयाँशक्ति मिलेर पनि माओवादी एमाले गठबन्धन भन्दा धेरैपछि रहेको छ । कांग्रेसले स्थानीय चुनाबमा धेरै स्थानीय तहमा विजयी भएपनि सबै स्थानमा माओवादी केन्द्र दोस्रो भएको थियो ।
गोरखामा एमाले माओवादीका साझा उम्मेदवारका रुपमा माओवादी केन्द्रका नारायणकाजी श्रेष्ठ र हरि अधिकारीले प्रतिस्पर्धा गर्ने करि निश्चित छ । वाम गठबन्धनपछि कार्याकर्तामा उत्साहा बढेको छ । भने न्यूट्रल भोटर पनि वाम गठबन्धनबाट आकस्मिक रुपमा बाहिरीएका बाबुुरामप्रति आक्रोशित भएका छन ।
पछिल्लो समयमा विकासित राजनीतिक माहोलका कारण गोरखा जिल्ला आगामी चुनाबमा थप चर्चाको केन्द्र बन्ने निश्चित छ ।
