यस्तो बन्ने भो मदन भण्डारी स्मृति सभा कक्ष तथा अतिथि भवन

गाइघाट सदरमुकामस्थित पुरानो हवाई मैदानमा मदन भण्डारी स्मृति सभा कक्ष तथा अतिथि भवन निर्माण को काम अघि बढेको छ । हवाइ मैदानको तीन बिघा क्षेत्रफलमा निर्माण हुन लागेको उक्त भवनको सहरी विकास राज्यमन्त्री मन्जुकुमारी चौधरीले शिलन्यास गरेकी थिइन् ।\

सहरी विकास मन्त्रालयको करिब २५ करोड रुपैयाँको लागतमा आगामी तीन वर्षभित्र उक्त भवन निर्माण हुनेछ। उक्त भवन तीन तले हुने र एक हजारदेखि एक हजार पाँचसय अतिथि अटाउने क्षमताको हुने सहरी विकास तथा भवन निर्माण डिभिजन कार्यालय उदयपुरले जनाएको छ ।