नयाँ शक्ति पार्टीका केन्द्रीय सदस्यसहित समानुपातिक उम्मेदवार नै माओवादी केन्द्रमा प्रवेश गरेका छन् ।
शुक्रबार मकवानपुरमा भएको एक कार्यक्रममा नयाँ शक्ति पार्टी नेपालका केन्द्र्रीय मिनाकुमारी वाइवा रसमानुपातिक उम्मेदवार उत्सव चौलागाईंका साथमा पाँच दर्जनभन्दा बढी स्थानीय नेता कार्यकर्ता माओवादी केन्द्रमा प्रवेश गरेका हुन् ।
मकवनानपुर क्षेत्र नम्बर दुई ‘क’ बाट प्रदेशसभाका उम्मेदवार तथा माओवादी केन्द्र मकवानपुरका इन्चार्ज कुमारी मोक्तानले उनीहरुलाई फुलमाला लगाएर स्वागत गरेकी छन् ।
मोक्तानले वाम एकता दुई पार्टीका बीचमा मात्रै नभइ छरिएर रहका अन्य वाम शक्तिलाई पनि एकतावद्ध बनाउन भएको भन्दै सबैलाई वाम गठबन्धनमा आवद्ध हुन आग्रह समेत गरेकी छन् । गठबन्धन देशको विकास र समृद्धिका लागि भएको भन्दै उनले यो चुनावमा वाम गठबन्धनले दुइतिहाइ बहुमत ल्याएर स्थिर सरकार बनाउने दावी गरिन् ।
माओवादी केन्द्रमा प्रवेश गरेका नयाँ शक्तिका नेताहरुले अब माओवादीमा आवद्ध भएर अगाडि बढ्ने प्रतिवद्धता व्यक्त गरेका छन् ।काठमाण्डु टुडे बाट सभार
