झापामा सबैभन्दा पपुलर मत ल्याउनेमा परे एलपि साँवा र अर्जुन राइ, हेर्नुहोस उनका प्रतिस्पर्धिहरुको मत

झापामा लोकप्रिय मतमा झापा क्षेत्र नम्वर ४ का नवनिर्वाचित सांसद एलपी साँवा अगाडि देखिएका छन् । क्षेत्र नम्वर ४ का वडामा एमाले, माओवादी केन्द्र र राप्रपाका वडाध्यक्षका उम्मेद्वारले प्राप्त गरेको मत ३७ हजार आठसय १६ र कांग्रेसका वडाध्यक्षका उम्मेद्वारले प्राप्त गरेको मत २२ हजार नौसय २३ मा १४ हजार आठसय ९३ मतको अन्तरले एमाले, माओवादी र राप्रपा गठबन्धन अगाडि थियो ।

तर, प्रतिनिधिसभाको निर्वाचनमा एमाले उम्मेद्वार सावाँले ४३ हजार पाँचसय १५ मत प्राप्त गरी विजयी भए भने नेपाली कांग्रेसका उम्मेद्वार देउमान थेवेले २६ हजार आठसय २२ मत प्राप्त गरेका छन् । पहिले सो क्षेत्रमा रहेको अन्तरभन्दा एमाले उम्मेद्वार सावाँले १६ हजार छसय ९३ मतको अन्तर बढाएर लगेका छन् । प्रतिनिधिसभाको चुनावमा सावाँलाई लोकप्रिय मत एकहजार आठसय बृद्धि भएको छ ।

प्रदेशसभा तर्फ झापा क्षेत्र नम्वर ५ को प्रदेशसभा क्षेत्र नम्वर २ मा एमाले उम्मेद्वार अर्जुन राई पनि लोकप्रिय मतमा अगाडि छन् । स्थानीय तहको चुनावमा सो क्षेत्रमा १८ हजार छसय ६६ मतान्तरले राईको पक्षमा जनमत थियो । प्रदेशसभाको चुनावमा अर्जुन राई ३० हजार नौसय ७३ मत प्राप्त गरी विजयी बन्दा कांग्रेसका राजनबहादुर ढुङ्गानाले १० हजार नौसय ९३ मत प्राप्त गरे ।

राईको अन्तर १९ हजार नौसय ८० हुन पुग्यो । स्थानीय तहमा रहेको अन्तरभन्दा राईको पक्षमा अहिले एकहजार तीनसय १३ मतले अन्तर बढेको देखिएको छ ।

त्यस्तै झापा निर्वाचन क्षेत्र नम्वर ४ को प्रदेशसभा क्षेत्र नम्वर २ मा एमालेका उम्मेद्वार हिरा थापा पनि स्थानीय तहको मत विवरणभन्दा बढी पपुलर मत ल्याएर प्रदेशसभामा निर्वाचित भएका छन् ।

स्थानीय तहको निर्वाचनमा गठबन्धन दलका उम्मेद्वारले प्राप्त गरेको मत र कांग्रेसका वडाध्यक्षले प्राप्त गरेको मतमा नौ हजार तीनसय २१ मतको फरक थियो ।

यो चुनावमा थापाले २४ हजार नौसय एक मत प्राप्त गरी विजयी बन्दा कांग्रेस उम्मेद्वार उत्तम शर्मा सुवेदीले १४ हजार नौसय ६५ मत प्राप्त गरे । दुई उम्मेद्वारबीच नौहजार नौसय ३६ मतान्तरले अगाडि रहेका थापाले स्थानीय तहमा वडाध्यक्षले पाएको मत भन्दा छसय १५ पपुलर मत पाएका छन् ।

क्षेत्र नं. ५ ख

क्षेत्र नं. ४