सहबान अन्सारी / नवलपरासीमा दुई दिने युरिया माेलासिस मिनरल्स ब्लक निर्माण तालिम सम्पन्न भएको छ।
सुस्ता गाउपालिका वडा नं १ छिबनीमा बिकल्प नवलपरासीकाे अायाेजना र युनाइटेड मिसन टु नेपालकाे सहयाेगमा गरिएको कार्यक्रममा जनजागृति कृषक समुहकाे अध्यक्ष मिठु खनालकाे अध्यक्षता तथा बिकल्प नवलपरासीको कार्यक्रम संयाेजक सराेज कुमार गाैतमकाे प्रमुख अथित्यता रहेको थियो
कार्यक्रममा बाेल्दै संयाेजक गाैतमले युरिया माेलासिस मिनरल्स ब्लक निर्माण तालिम अहिलेकाे अवस्थामा महिला दिदिबहिनीहरुकाे लागि अति अावश्यक रहेको र यसले कृषि क्षेत्रमा बिशेष भुमिका खेल्नुका साथै , पशुपालक कृषकलाई युरिया माेलासिस मिनिरल्स ब्लक र खनिज ढिक्का निर्माण गराई नियमित पशुलाई चटाएर पशुको स्वास्थ्य र दूधकाे गुणस्तरमा बृद्धिगरी अार्थिक स्तरमा वृद्धि गर्ने सकिने बताउनु भयो।
साथै तालिममा सहभागी भएका सम्पूर्ण लाई परिक्षणका लागि एक महिना सम्म नियमित एउटा पशुलाई चटाउदा त्यस पशुकाे पहिलेको अवस्था र हालकाे अवस्थामा दूध र पशुमा अाएकाे सुधारलाई फरकपन हुनेछ भन्ने कुरामा जाेड दिनु भएको थियोे ।
ऊक्त तालिममा सुस्ता गाउँ पालिका बाट ३४ जनाकाे सहभागीता रहेको थियो । तालिममा बिकल्पका कृषि प्राबिधिक राम नगिना गुप्ता र मन्जु चाैधरीले प्रशिक्षण दिनु भएको थियोे ।
