दमकमा भब्य रुपमा मनाइयो टोपी दिवस

झापाको दमकमा पनि भब्य रुपमा टोपी दिवस मनाइएको छ । जिबन चक्र समाज नेपालको आयोजनामा दमक चोकमा टोपी दिवसको अवसरमा कार्यक्रम गर्दै टोपी दिवस मनाईएको हो ।

टोपी दिवसको अवसरमा दमक उद्योग बाणिज्य संघका दितिय उपाध्यक्ष युवराज घिमिरे, डा. लेखनाथ न्यौपाने, धार्मिक गूरु तथा ज्योतिष चक्रपाणि गौतम लगायतले टोपीको महत्व बारे बोलेका थिए ।

जिबन चक्र समाज नेपालका अध्यक्ष गणेश गौतमका अनुसार प्रत्येक बर्ष आफूहरुले दमकमा टोपी दिवस मनाउने अभियान शुरु गरेको र यो बर्ष पनि मनाईएको बताए । नेपालीहरुको पहिचान टोपीमा पनि रहेको उनको भनाइ थियो ।