साँसद बिना मगरले राखिन कुलमान घिसिङसंग यस्तो माग

सांसद विना मगरले कञ्चनपुर जिल्लाको विद्युत समस्या समाधान गर्न माग गर्दै बुधबार नेपाल विद्युत प्राधिकरण मागपत्र बुझाएकी छिन्।

कञ्चनपुर १ बाट निर्वाचित सांसद मगर नेतृत्वको टोलीले बुधबार प्राधिकरणका महानिर्देशक कुलमान घिसिङ भेटेर ६ बुँदे मागपत्र पेश गरेको हो।

जिल्लाको दक्षिण क्षेत्रमा बासिन्दाले नियमित बिजुली नआउने तथा कम भोल्टेस आउने समस्या भोग्दै आएका छन्।

कञ्चनपुरको पुनर्वास र बेलौरी नगरपालिका तथा लालझाडी र बेल्डाँडी क्षेत्रमा अनियमित विद्युत आपूर्ति तथा न्यून भोल्टेजको समस्या झेल्दै आएका छन्। सोही समस्या समाधानका लागि घिसिङसँग माग गरिएको छ।