शनिवार बिहान घादिङको वेनीघाट स्थित सलाङघाटमा भएको जीप दुर्घटनामा वेपत्ता भएका सिंचाई मन्त्रालयका सचिव रामनन्द यावद मृत भेटिएका छन् । बेपत्ता अन्य २ जनाको अवस्था भने अझै अज्ञात छ । उनीहरूकाे अहिले खोजी कार्य भइरहेको प्रहरीले जनाएकाे छ ।
शनिबार बिहान ३ बजेतिर सचिव यादव सवार बा २ झ ३१४० नम्बरको गाडी पृथ्वी राजमार्गअन्तर्गत धादिङको सलाङमा त्रिशूली नदीमा खसेर बेपत्ता भएको थियो ।
विज्ञापन (ADVERTISEMENT)
दुर्घटनामा सचिव यादवसहित उनका २२ वर्षीय छोरा सन्तोष र साथीको छोरी १५ वर्षीया उन्नति गुप्ता वेपत्ता भएकोमा सचिव यादवको शव फेला परेको हो ।
दुर्घटनामा चालक निराजन यादव घाइते भएका छन् । उनलाई यसअघि नै उद्धार गरेर ट्रमा सेन्टर काठमाडौं ल्याइएको छ ।
