५ नम्बर प्रदेशले आज मुख्यमन्त्री पाउँदै

पाँच नम्बर प्रदेशका एमालेका संसदीय दलका नेताशंकर पोख्रेललाई आज मुख्यमन्त्रीमा नियुक्त गरिने भएको छ । प्रदेशप्रमुख उमाकान्त झाले नेता पोख्रेललाई मुख्यमन्त्रीमा नियुक्त गर्ने कार्यक्रम रहेको बताइएको छ ।

आज मुख्यमन्त्री नियुक्त भएपनि सपथ भने भोली लिने प्रदेश प्रमुख कार्यालयका सचिव सनदकुमार दवाडीले जानकारी दिए। मुख्यमन्त्रीको सपथ भने बिहीबार दिउँसो ३ बजे तोकिएको प्रदेश प्रमुख कार्यालयले जनाएको छ।

सपथका लागि नेपाली सेनाले प्रदेश प्रमुखको निवास रहेको सडक डिभिजन अतिथि निवास नजिकैको कम्पाउण्डमा तयारी गरिरहेको छ। मुख्यमन्त्रीको सपथकै दिन दुई मन्त्रीले पनि सपथ लिनेछन्। एमाले र माओवादी केन्द्रबाट १–१ जनाले सपथ लिने टुंगो लागेको छ।