निर्वाचन आयोगले राष्ट्रपति पदको लागि नामावली सार्वजनिक गरेको छ । निर्वाचनमा प्रदेशसभा र प्रतिनिधिसभा सदस्यले भाग लिन पाउनेछन् ।
आयोगले सार्वजनिक गरेको नामावलीमा कैलाली क्षेत्र नम्बर २ का सांसद रेशम चौधरीको नाम समावेश गरिएको छ । उनी टीकापुर घटनामा सर्वोच्चले दोषी देखाएकोमा केहि दिनअघि जिल्ला अदालत कैलालीमा आत्मसमर्पण गरी पुर्पक्षका लागि थुनामा रहेका छन् ।
यस्तै मनाङबाट स्वतन्त्र उम्मेदवार बनी विजयी भएका दीपक मनाङे उर्फ राजीव गुरुङको भने मतदाता नामावलीमा नाम समावेश छैन ।
ज्यान मुद्दामा पुनरावेदन अदालतका पाटनको फैसलालाई सर्वोच्च अदालतले सदर गरेपछि मनाङे जेल जानुपर्ने भएको छ । उनी अहिले फरार छन् ।
आयोगले सार्वजनिक गरेको सूचीमा प्रदेशसभाका ५४९ र प्रतिनिधिसभा तथा राष्ट्रियसभाका ३३१ सांसदको नाम सभावेश गरिएको छ ।
राष्ट्रपति निर्वाचन यही फागुन २९ गते हुँदैछ ।
