सुवासचन्द्र नेम्बाङलाई सभामुख बनाउन नसकेकोमा प्रधानमन्त्री केपी शर्मा ओलीले आज दुःख व्यक्त गरेका छन् ।
नेम्बाङलाई प्रधानमन्त्री निवास बालुवाटारमै बोलाएर सभामुख बनाउन नसकेकोमा आफू निकै दुःखी रहेको बताएका थिए । स्रोतका अनुसार प्रधानमन्त्री ओलीले नेम्बाङ्लाई देख्नेवित्तिकै भनेका थिए,‘के गर्नु सभामुखमा मेरो च्वाईस तपाई हुनुहुन्थ्यो, तर गठबन्धनको कारणले बनाउन सकिएन, यसमा म निकै दुःखी छु।’
ओलीले आफूमात्रै नभएर माओवादी केन्द्रका अध्यक्ष पुष्पकमल दाहाल प्रचण्डपनि नेम्बाङ्लाई सभामुख बनाउन राजी भएको तर माओवादी केन्द्रभित्रको विवादका कारण बनाउन नसकिएको स्पष्ट पारेका थिए ।भेटमा ओलीले नेम्बाङलाई पार्टीमा महत्वपूर्ण जिम्मेवारी दिने आश्वासन दिएका थिए ।
आजमात्रै एमाले–माओवादी केन्द्रको तर्फबाट माओवादी केन्द्रका नेता कृष्णबहादुर महराले सभामुखमा उम्मेद्धवारी दर्ता गराएका छन् । उनको विरुद्धमा कसैको पनि उम्मेद्धवारी नपरेकोले उनी निर्विरोध सभामुख बनेका छन् । यद्धपी नतिजा भने भोलिमात्रै घोषणा हुनेछ ।
-रिपोटर्स नेपाल बाट
