सुरुङ्गा (झापा), २ पुस । भारतीय नम्बर प्लेटको मालबाहक ट्रकको ठक्करबाट आज एकजनाको मृत्यु भएको छ ।
पिए १३ एवी ८५९१ नंको ट्रकले मेचीनगर नगरपालिका–१० काँकडभिट्टामा पैदल हिँडिरहेका अन्दाजी ४० वर्षीय पुरुषलाई ठक्कर दिएको थियो ।

नाम थर खुल्न नसकेको उहाँको उपचारका क्रममा अञ्चल अस्पताल भद्रपुरमा मृत्यु भएको जिल्ला प्रहरी कार्यालयका प्रहरी नायब उपरीक्षक हरिप्रसाद शर्माले जानकारी दिनुभयो । ठक्कर दिने सवारीसाधनका चालकलाई प्रहरीले नियन्त्रणमा लिएको छ ।