काठमाडौं, २१ चैत - कर्मचारीहरुले जथाभावी विदेश भ्रमण गर्न थालेपछि सरकारले त्यसमा कडाइ गर्ने तयारी अघि बढाएको छ ।
लाखौं रकम खर्च गरेर विदेश भ्रमण गर्ने कार्य रोक्न कार्यविधि ल्याउन लागिएको प्रधानमन्त्री तथा मन्त्रिपरिषदको कार्यालयले जनाएको छ ।
विज्ञापन (ADVERTISEMENT)
यसका लागि सोही कार्यालयका सचिव प्रेमकुमार राईको संयोजकत्वमा गठित समितिले कार्य शुरु गरेको छ ।
उनले भने, `एउटै कर्मचारी धेरैपटक जानेदेखि बजेट सकाउन अध्ययन भ्रमण हुने क्रम बढेपछि कडाई गर्न लागेका हौं ´।
सो समितिलाई १५ दिने म्याद दिइएको छ ।
समितिले दिएको सुझाव प्रतिवेदनका आधारमा कार्यविधि बनाउने नेपाल समाचारपत्रमा खबर छ ।
