पोखरा– कास्कीको चाउथेमा ३ वटा सवारी साधन एक आपसमा ठोक्किएका छन्। ट्रिपरले एक कारलाई ठक्कर दिएपछि पछाडीबाट आइरहेको मिनी ट्रकमा सो कार ठोक्किन पुगेको थियो।
ठक्करपश्चात् बा१५च ५०८२ नम्बरकाे कार सडक छेउको नहर नाघेर पल्टिएको थियो। दुर्घटनापछि कार पूर्ण रुपमा क्षतिग्रस्त भएको छ।
विज्ञापन (ADVERTISEMENT)
दुर्घटनामा हालसम्म मानवीय क्षति भने नभएको जिल्ला प्रहरी कार्यालय कास्कीका डिएसपी खड्कबहादुर खत्रीले बताए। ठक्कर दिने ट्रिप्पर भने भागेको तर कार र मिनी ट्रक भने प्रहरीको नियन्त्रणमा रहेको बताइएको छ।
ठक्कर दिएर भाग्ने ट्रक र चालकको खोजी भइरहेको प्रहरीले बताएको छ।
श्रोत: नेपाल लाइभ बाट
(फोटो : दिपक समिपको फेसबुकबाट)
