काठमाडौं । सरकारले धर्म परिवर्तन गराउने व्यक्ति वा संस्थालाई निरुत्साहित गर्ने उद्देश्यले कठोर नीति ल्याउने भएको छ ।
अन्तर्रा्ष्ट्रिय गैरसरकारी संस्थामाथि कडाइ गर्दै सरकारले धर्म परिवर्तन गराए देश निकाला गर्नेसम्मको कदम चाल्ने तयारी थालेको छ । विदेशी तथा गैरसरकारी संस्था धर्म परिवर्तनमा संलग्न भएको गुनासो आइरहेकै बेला सरकारले यस्ता गतिविधि नियन्त्रण गर्न संस्थाको दर्ता खारेजी र सम्बद्ध व्यक्तिलाई देश निकालासम्म गर्न सक्नेछ ।नेपालमा कार्यरत झण्डै दुई सय ५० भन्दा बढी अन्तर्रा्ष्टिय संस्था र तिनका पदाधिकारीमाथि कडाइ गर्दै राष्ट्रिय सदाचार नीति ल्याउन लागिएको हो । प्रधानमन्त्री तथा मन्त्रिपरिषद् कार्यालयले राष्ट्रिय सदाचार नीतिको मस्यौदा तयार पारिरहेको छ । सदाचार नीतिको मस्यौदामा धर्म परिवर्तन नगराउने शपथपत्रमा हस्ताक्षर गर्नुपर्ने, कानून निर्माणमा दबाव सिर्जना गर्न निषेध गर्नेलगायत प्रावधान रहेको बताइएको छ ।
