कैलाली/कैलालिको चुरे गाउँपालिकाका जनप्रतिनिधि मनोमानी गरिरहेको भेटिएको छ।स्थानीय गाउँहरु सडक संजाल मार्फत जोड्ने बहानामा सामुदायिक बन क्षेत्र भित्र वन ऐन तथा मापदण्ड बिपरित डोजर र स्काभेटरको प्रयोगगरि जथाभावी सडक निर्माण गरिरहेका हुन्।
जनप्रतिनिधिहरुले मनोमानिरुपले जथाभावी डोजर तथा स्काभेटर प्रयोग गर्न पाउँदैनन्। कैलालिको साविकका गाविस हरु सहजपुर,निंगाली र खैरला गाबिस जोडि चुरे गाउंपालिका निर्माण गरिएको हो। स्थानीय चुनावको समयमा आफुहरु जनताका हरेक गुनासो हरुको व्यबस्थापन र समाधानमा प्रतिवद्द रहने भने पनि हाल जनताहरुको सल्लाहको उपेक्षा गर्दै मनोमानी ढंङ्गले अघि बढिरहेको प्रती स्थानियले बिरोध जनाएका छन्।
बिकाशका नाममा बिनाश ल्याउन लागेको भन्दै आफुहरुले सचेत गराउने स्थानियहरु बताउँछन्। भु- बनावटका आधारमा कैलालिको चुरे क्षेत्रलाई बिकट मानिन्छ । बस्ती माथिबाट रुखहरु फँडानी र जथाभावी डोजर स्काभेटर चलाउँदा भु- क्षयको जोखिम बढ्ने र नजिकका घर-बस्तिहरु सम्भावित पहिरोका कारण बिस्थापी हुनसक्ने भन्दै स्थानियहरुले बिरोध जनाएका हुन्। चुरे गाउँपालिकाले भने आफुहरुले सम्पुर्ण कागजी प्रक्रिया पूरा गरि सोहि बमोजिम काम गरिरहेको जनाएको छ ।
