विद्यानन्द राम
सप्तरी । १२ वर्षदेखि फलामको साङ्लोमा बाँधिएकी विष्णुपुर गाउँपालिका–६ रञ्जीतपुरकी एक महिलालाई उद्धार गरिएको छ । समाचार प्रसारण भएपछि २८ वर्षीया वविता यादवलाई शनिवार साँझ उद्धार गरिएको हो ।
विज्ञापन (ADVERTISEMENT)
राजविराज नगरपालिकाकी उप–मेयर साधना झा, विष्णुपुर गाउँपालिकाकी उपाध्यक्ष जंजीरा यादव, दहेज मुक्त मिथिला अभियानकी अभियानता करुणा झा, नेपाल पत्रकार महासंघ सप्तरीका उपाध्यक्ष श्यामसुन्दर यादवको पहलमा ववितालाई उद्धार गरिएको छ ।
टोलीले घरमै पुगेर ववितालाई सदरमुकाम ल्याएर राजविराज स्थित सेफ हाउसमा पु¥याइएको थियो । तर, सेफ हाउसमा कोही नभेटेपछि उप–मेयर झाले आफ्नै संरक्षणमा ववितालाई राखेकी छन् ।
उप–मेयरद्वयले २०६२ सालमा विवाह भएर घर गएको २, ३ दिन नवित्दै मानसिक संतुलन गुमाएकी ववितालाई उपचारमा समेत आफूहरुले पहल गर्ने प्रतिवद्धता समेत गरेका छन् ।
