काठमाडौँ, १५ जेठ – नयाँ शक्ति पार्टी नेपालका संयोजक डा बाबुराम भट्टराईले केपी ओली नेतृत्वको सरकारले अपेक्षाकृत बजेट ल्याउन नसकेको बताएका छन् ।

अर्थमन्त्री डा युवराज खतिवडाले संघीय संसदमा आर्थिक वर्ष २०७५–०७६ को बजेट प्रस्तुत गरेसँगै सामाजिक सञ्जालमार्फत प्रतिक्रिया दिँदै भट्टराईले बजेट सुन्दै जाँदा ‘माछा माछा, भ्यागुता’ जस्तो अनुभूति भएको बताएका छन् ।

‘बजेट सुन्दै जाँदा ‘माछा माछा, भ्यागुताु’जस्तो पो अनुभूति भयो! बजेट सबै हिसाबले पुरानैको निरन्तरतामा आयो!’ उनले भनेका छन्, ‘जबकि आवस्यकता समृद्धिको युगतर्फ फड्को हान्ने संरचनात्मक परिवर्तनको थियो। त्यो न राजस्व, न भित्री र बाहिरी लगानी, न क्षेत्रगत विनियोजन, न प्रदेश र तल हस्तान्तरणमा कतै देखिएन ।’
-लोकान्तर.com बाट