काठमाडौं । प्रधानमन्त्री केपी ओलीले सिंगो देशलाई सुचना प्रविधिसँग जोड्ने बताएका छन् । नेपाल राष्ट्रिय शिक्षक संगठनको १२औँ महाधिवेशनको काठमाडौं उद्घाटन गर्दै प्रधानन्त्री ओलीले शिक्षकलाई पनि प्रविधियुक्त हुन निर्देशन दिए ।
उनले आफ्नो विषयमा पढाउन नजान्न् शिक्षकलाई स्कूलबाट विदा गरिने पनि बताए । ‘अंग्रेजी पढाउने शिक्षकले अंग्रेजी पढाउन जान्नै पर्छ ।, देशको हरेक क्षेत्रलाई स्मार्ट बनाउँदैछ प्रधानमन्त्रीले भने, ‘तपाईहरु पनि अब स्मार्ट बन्नुपर्छ ।’
उनले मन्त्रीलाई स्मार्ट बनाउन विशेष कार्यक्रम सुरु गर्न लागेको जानकारी दिए । ६ महिना भित्र प्रधानमन्त्री कार्यालयबाट कागजबाट हुनुपर्ने काम हटाउने बताए । ‘मन्त्रीपरिषदको बैठकलाई समेत कागज मुक्त बनाउछु’ प्रधानमन्त्री ओली भने, ‘ल्यापटप चलाउन नजान्ने मन्त्रीलाई पदबाटै बिदा गरिनेछ ।’
६ महिना भित्र मन्त्रीपरिषदको बैठकलाई कागजी ढड्डा मुक्त गरिनेछ । ल्यापटप चलाउन नजान्ने मन्त्रीहरुलाई बिदाई गरे जस्तै पढाउन नसक्ने शिक्षकहरुलाई पनि बिदाई गरिने उनको भनाई थियो । स्कूलको सिकाईलाई प्रविधिमैत्री बनाउनु पनि प्रधानमन्त्रीले शिक्षकलाई निर्देशन दिए ।
