विद्यार्थीको दवावपछि त्रिविले परीक्षा शुल्क घटायो

काठमाडौं, १६ असार । विद्यार्थी संगठनहरूको दवावपछि त्रिभुवन विश्विद्यालयले देशव्यापी रुपमा बढाएको परीक्षा शुल्क घटाएको छ ।

स्नातकोत्तर पहिलो सेमेस्टरबाट लागू हुने गरी २ हजार ५०० रुपैयाँ शुल्क कायम गरिएको थियो । त्यसअघि एक हजार रुपैयाँ मात्र शुल्क थियो ।

आन्दोलनरत विद्यार्थी संगठनका पदाधिकारी र त्रिवि पदाधिकारीबीच शुक्रबार भएको वार्तामा शुल्क घटाउने सहमति भएको हो ।

त्यसअघि बढाइएको शुल्क खारेज गर्न माग गर्दै विद्यार्थी त्रिभुवन विश्वविद्यालयमा डेलिगेसन गएका थिए ।