दमक/ झापा दमककी सेड्रिंना शर्मा अभिनित चलचित्र ‘नाइ नभन्नु ल–५’ आउदो भदौ ८ गतेदेखि देशभर प्रदर्शन हुने भएको छ । झापा दमकमा पाथिभरा मन्दिर र चलचित्र मन्दिर दुबैमा यो चलचित्र लाग्ने पाथिभरा चलचित्र मन्दिरका प्रमुख एवं माता पाथीभरा फिल्मस प्रा.लि. संचालक बितरक चैतन्य बरालले बताए । प्रेमकथामा आधारित ‘नाइ नभन्नु ल–५’ को ट्रेलर युट्युवमा अहिले चर्चित छ ।
चलचित्रमा झापाकै बाल कलाकार अनुभव रेग्मी र सेड्रिना शर्मासँगै अभिनेत्री स्वस्तिमा खड्का र अभिषेक नेपालको प्रेमलाई ट्रेलरमा देख्न सकिन्छ । यसले चलचित्र प्रेम कथामा आधारित रहेको अडकल काटन सकिन्छ । फिल्ममा दिलिप रायमाझी, प्रियंका कार्की, निरुता सिंह, केकी अधिकारी, जयनन्द लामा, उत्तम केसी, बुद्धि तामाङ लगायतको प्रमुख भूमिका रहेको छ।
विकास आचार्यद्वारा निर्देशित यस चलचित्रमा वसन्त सापकोटाको संगीत, पुरुषोत्तम प्रधानको छायांकन, अर्जुन जिसीको सम्पादन, कविराज गहतराजको कोरियोग्राफी, सामिप्यराज तिमिल्सिना र विकासराज आचार्यको लेखन छ। कार्यक्रममा निर्देशक विकास आचार्यले यो फिल्म पुर्वी नेपालका लागि एउटा हेर्नै पर्ने फिल्म भएको बताएकाछन् ।
उनले पुर्वी नेपालका रमणिय स्थलहरु समावेश भएको जनाए । वान टाइम सिनेमाको ब्यानरमा बनेको फिल्मको निर्मातामा हरिबोल भण्डारी र गौरी जोशी छन् भने कार्यकारी निर्मातामा दिनेश पोखरेल, पुरुषोत्तम प्रधान र विष्णुमणि दाहाल रहेका छन्। बाल कलाकार सेड्रिना संगम स्वीट्सका प्रोपाइटर संगम शर्माकी छोरी हुन् ।
