दमक/आउदो भदौ १८ गते दमकमा हुने रथयात्रालाइ भब्य र सभ्य बनाउनका लागि तयारी तिब्र पारिएको छ । धार्मिक सहिष्णुतालाइ अक्षुण राख्न र धार्मिक सस्कृतीको जगर्ने गर्ने उदेश्यले दमकको धार्मिक गौरवको रुपमा रथयात्रालाइ सफल बनाउन लागिएको प्रचारप्रसार समितिका संयोजक लीला गुरागाइले बताए ।
आज बिहान प्रचारप्रसार समितिको बैठकमा यस बिषयमा जानकारी दिदै गुरागाइले दमकमा हुने रथयात्रा दमकको पहिचानको रुपमा अघि बढाउने उदेश्य अनुरुप सबै संघसंस्थाहरुको सहभागिता र सहकार्यमा जोड दिइएको जानकारी दिए ।
श्रीकृष्ण रथयात्रा समितिका संयोजक मानबहादुर बुढाथोकीले ब्यवस्थित रुपमा रथयात्रालाइ सम्पन्न गर्नका लागि बिभिन्न उपसमितिहरु बनेको जानकारी दिएकाछन् । उनले सहज रुपमा रथको दर्शन र प्रशादी ग्रहणको अवस्था सिर्जना गराउने प्रतिबद्धता जनाए ।
समितिका प्रेम भट्टराइले श्रीकृष्ण रथयात्रा दमकको पहिचानका लागि नयाँ एउटा माध्यम बन्ने गरीको तयारी गरिएको जनाए । यसमा सबैको साथ र सहयोग रहनेमा आफुहरु विश्वस्थ रहेको जनाए ।
लायन्स क्लव अफ स्टर्न लाइनल सहितका दमकका लायन्स क्लवहरुले पानीको ब्यवस्थापन जिम्मा लिएको जनाईएको छ । पानी ब्यवस्थापन संयोजक रहेका स्टर्नलाइनका अध्यक्ष बिमल शर्माले गर्मि मौसम रहेकाले पानीको पर्याप्त ब्यवस्थापन गर्ने बताए ।लायन्स क्लव अफ माउण्ट एभरेष्ट, दमक युनाइटेड, बेलसिटी, सेविका, बिगबुद्ध, ग्रिनसिटी, श्री अन्तु, स्वीटसिटी, लखनपुर लगायतले बेग्लाबेग्लै स्टल राखेर पानीको ब्यवस्थापन गर्ने माउण्ट एभरेष्टका अध्यक्ष चन्द्र गजमेरले बताए ।
यसैगरी दमक जेसिजले स्वयंसेवकको र रोटरी क्लव अफ दमकले सरसफाइको जिम्मा लिएको जनाईएको छ ।
