काठमाडौ- उत्तरी गोरखाको सानागाउँबाट ६ यात्रु लिएर काठमाडौं आउँदै गरेको अल्टिच्युड एयरको हेलकोप्टर नुवाकोटमा फेला परेको छ।
हेलिकप्टरमा सवार ७ जनामध्ये ६ जनाको मृत्यु भएको छ भने १ जना महिलाको भने उद्धार गरिएको छ। नुवाकोट जिल्ला पुरानाे बेत्रावती वडा नम्बर ३ बागबर्माखेतमा हेलिकप्टर भेटिएको हो।
विज्ञापन (ADVERTISEMENT)
हेलिकप्टर भेटिएकाे खबरलाइ अल्टिच्युड एयरका फुर्वा शेर्पाले पुष्टि गरे। अल्टिच्युड एयरका प्रतिनिधि दुर्घटनास्थल पुगेका विमानस्थल कार्यालयका प्रवक्ता प्रतावबाबु तिवारीले जानकारी दिएका छन्। हेलिकप्टरमा एक जना पाइलटसहित ७ जना यात्रु सवार थिए।
