बिष्णुप्रसाद पोखरेल दमक । झापा दमकका सहकारी संस्थाहरुले यो बर्षदेखि आफ्ना नयाँ कार्यक्रमको रुपमा सदस्यहरुलाइ ‘घर योजना’ अघि सारेकाछन् । बिपन्न तथा घरबिहिन रहेका सहकारीका सदस्यहरुलाइ सहकारीले आवास योजना सञ्चालन गरेर घर बनाइदिने कार्यक्रमलाइ दमकका ठुला केहि सहकारी संस्थाहरुले प्रमुख योजना तथा कार्यक्रममा नै हालेको पाईएको छ ।
शुक्रबार झापाको दमकस्थित कञ्चनजंघा बहुद्धेशिय सहकारी संस्थाले आफ्नो साधरणसभामा आवास योजना सार्वजनिक गरेको छ । कार्यक्रममा बोल्दै प्रमुख अतिति सहकारी बैकका अध्यक्ष रमेश पोखरेलले सहकारीहरुको यो कदम सहनीय भएको बताउनु भयो । झापामा योसंगै अन्य सहकारीहरुले समेत आफ्ना घरबिहिन सदस्यहरुका लागि सामुहि आवास योजना ल्याएको बताउदै यसले सम्बृद्धिको आधार तय गर्ने बताउनु भयो ।
सहकारी ऐन २०७४ले सहकारीलाइ हरेक क्षेत्रमा लगानी गर्नका लागि सहजता प्रदान गरेको बताउदै सामुहिक आवास, बिद्यालय सञ्चालन, अस्पताल सञ्चालन जस्ता जनमुखि काममा अब सहकारीहरु केन्द्रित हुनु पर्नेमा जोड दिनु भयो ।
उहाँले आवास, शिक्षा, स्वास्थ्य लगायतका आधारभुत आवश्यकता परिपुर्ति भएको समाजमात्र सम्बृद्ध समाज हुने भएकाले यसतर्फ ध्यान जानु पर्ने बताउनु भयो । जसरी अहिले सहकारीहरुले सामुहिक आवास योजना ल्याइरहनु भएको छ यो अब देशभर सञ्चालन हुनेछ, पोखरेलले भन्नुभयो ।
जिल्ला सहकारी संघ झापाका अध्यक्ष गणेश ढकालले झापामा एकदर्जनभन्दा बढि सहकारी संस्थाहरुले पछिल्लो समयमा आवास योजनाका कार्यक्रमहरु ल्याएको पाएको जनाउनु भयो । सहकारीहरु भन्ने बित्तिकै पैसाकोमात्र कारोबार गर्ने क्षेत्रको रुपमा बुझाइ हुदै आएकोमा यस्ता कार्यक्रमहरुले त्यो बुझाइ गलत भन्ने प्रमाणित गर्दै लैजाने उहाँको भनाइ रहेको थियो । सहकारीका सदस्यहरुलाइ आवाससंगै आत्मनिर्भर बनाउने कार्यक्रमलाइ जोड दिएमा यो सम्बृद्धिको आधार बन्छ, ढकालले भन्नुभयो ।
यसभन्दा अघि दमककै मेची सहकारी संस्थाले पनि सदस्यहरुका लागि सामुहिक आवास योजना अघि सारेको थियो । यसैबर्षदेखि नमुना रुपमा केहि घरहरु निर्माण गर्न शुरु गरिने सहकारीका अध्यक्ष नारायण भट्टराइले बताउनु भयो ।
आफ्ना सहकारी सदस्यहरु घरबार बिहिन नहुन भन्ने चाहाना अनुसार नै यो कार्यक्रम शुरु गर्न लागिएको र यसमा आकर्षण देखिन थालेको जनाउनु भयो । कम आय भएका सदस्यहरुका लागि हामी सर्वसुलभ रुपमा उनिहरुले कमाउदै तिर्ने गरी घर बनाएर दिनेछौ, भट्टराइले भन्नुभयो ।
झापा बिर्तामोडको साहरा नेपाल सहकारीले गत बर्ष बाढिबाट पीडित बनेका बिपन्न एव्र गरिब सदस्यहरुका लागि घर बनाएर दिदै आएको छ ।
सहकारीका कार्यकारी प्रमुख महेन्द्र गिरीका अनुसार आफुहरुको उदेश्य घर बनाएर बस्नै नसक्ने अवस्थाका सहकारीका सदस्यहरुलाइ घर बनाएर दिने रहेको छ । स्थानीय सरकारसंग समन्वय गरेर आफुहरुले यस प्रकारको आवास योजना सञ्चालन गर्दै आएको गिरीले बताउनु भयो ।
