काठमाडौं– निर्मला बलात्कार–हत्या प्रकरण छानविन गर्न गठित समितिका सदस्य (उप–सचिव) वीरेन्द्र केसी चढेको गाडीमा अज्ञात समुहले ढुंगा प्रहार गरेका छन् ।
आईतबार मध्यान्ह कैलालीको धनगढीतर्फ आउँदै गरेको अवस्थामा केसीमाथि बोहोराडाँडी भन्ने स्थानमा ढुंगा प्रहार भएको जिल्ला प्रहरी कार्यालय कैलालीका एसपी बिनोद घिमिरेले रातोपाटीलाई जानकारी दिए ।
विज्ञापन (ADVERTISEMENT)
‘अपरिचित समुहले गाडीको पछिल्लो भागमा हानेको पाइएको छ’ एसपी घिमिरेले भने, ‘ढुंगा हान्ने कार्यमा संलग्न पाँच जनालाई हामीले नियन्त्रणमा लिएका छौं ।’
पक्राउ परेकाहरुको नाम प्रहरीले खुलाएको छैन् । अज्ञात ब्यक्तिहरुले केसी चढेको बा. २१ ज ९७०३ नम्बरको गाडीमा ढुंगा प्रहार गर्दा पछाडीको सिसा फुटेको छ । उप–सचिव केसी सकुसल रहेको बताइएको छ ।
