राजपाले प्रधानमन्त्री ओलीको साथ छाड्दै !

जनकपुर–राष्ट्रिय जनता पार्टी (राजपा)नेपालको अध्यक्ष मण्डलका सदस्य राजकिशोर यादवले विगतमा भएको सहमति कार्यान्वयन नभए आउदो छठभित्र केपी ओली नेतृत्वको सरकारलाई दिइएको समर्थन फिर्ता लिने बताएका छन् ।

मङ्गलवार सिरहामा आयोजित शुभकामना आदानप्रदान कार्यक्रममा बोल्दै उनले राजपासँग भएको सम्झौता कार्यान्वयनमा सरकारले आलटाल आरोप लगाए ।

उनले भने– ‘राजपालाई सरकार भन्दा जनता महत्वपूर्ण पक्ष हो, जुन उद्देश्यका लागि राजपा स्थापना भयो त्यो बिर्सेको छैन ।’ उनले पार्टीको क्रियाकलापमाथि कुनै प्रकारको शंका नगर्न पनि कार्यकर्तासँग आग्रह गरे ।

सो क्रममा उनले संविधान संशोधन मार्फत मधेशी जनताको माग पूरा गर्न सरकारलाई आग्रह समेत गरे ।