काठमाडौं । कञ्चनपुरको भिमदत्त नगरपालिका उल्टाखामकी १३ वर्षीया निर्मला पन्तको दोषी पत्ता लगाउन प्रहरीले सयौं व्यक्तिको डीएनए परीक्षण प्रक्रिया अघि बढाएको छ ।
घटनास्थल आसपास बस्ने व्यक्तिदेखि निर्मलाका आफन्तको समेत डिएनए परीक्षण गर्न लागिएको हो । आज डिएनए परीक्षणका लागि थप चारजनाको रगत परीक्षण गर्न लागिएको कञ्चनपुर प्रहरीले जानकारी दिएको छ । अनुसन्धानका क्रममा विभिन्न कोणबाट धेरै शंका देखिएका व्यक्तिहरुको डिएनए परीक्षण गर्न लागिएको कञ्चनपुरका एसपी कुवेर कडायतले बताउनु भयो । निर्मला पन्त प्रकरणमा आधा दर्जन छानविन समिति गठन भए पनि समितिले अहिलेसम्म दोषी पत्ता लगाउन सकेको छैन ।।
यसअघि गरिएको छानबिन प्रतिवेदनले निर्मला पन्त हत्याको मुख्य दोषी तत्कालीन एसपी डिल्लीराज बिष्ट, प्रहरी निरीक्षक जगदीश भट्ट र बम दिदीबहिनीलाई मानेको छ । एसपी बिष्ट र प्रहरी निरीक्षक भट्ट बर्खास्तमा परिसकेका छन् । जनता समाचार बाट
