नेपाली युवक सँग नक्कली बिहे गरेको आरोपमा पाँच वर्ष जेल

अमेरिकामा बस्दै आएका एक नेपाली युवक सँग नक्कली बिहा गरेकी एक महिलालाई अमेरिकी अदालतले ५ वर्षको जेल तथा २ लाख ५० हजार डलर जरिवानाको सजाय सुनाएको छ।अमेरिकाको मेन राज्य स्थित ह्याम्पदेन सहरमा बस्दै आएको २८ वर्षीय मरिना मुशेरोलाई मेन स्थित जिल्ला अदालतले आर्थिक प्रलोभनका लागी नक्कली बिहा गरेर अमेरिकी अध्यागमन कानुनको उल्लङ्घन गरेकोमा दोषी ठहर गर्दै सो सजाय सुनाएको हो।सरकारी अधिवक्ता हल्से फ्रयांकद्वारा जारी विज्ञप्तिका अनुसार मरिना मुसेरोले आर्थिक रकमका लागी आफू बिहा गर्न तैयार भएको जानकारी सहित अनलाइनमा एक विज्ञापन दिएकी थिइन्। जस अनुसार, गत जुन १३ गते एक नेपाली युवकले इच्छा देखाएका थिए। विज्ञप्तिमा ती युवकको नाम खुलाइएको छैन।