नेत्र विक्रम चन्द विप्लव नेतृत्वको नेपाल कम्युनिस्ट पार्टीले प्रवक्ता खड्गबहादुर विश्वकर्मा प्रकाण्डका नाममा सरकारले पक्राउ पुर्जी जारी गरेकोमा कडा रूपमा आपत्ति जनाएको छ । आइतबार बिज्ञप्ती जारी गर्दै विप्लवले सरकारले एकातिर वार्ताका लागि आह्वान गर्ने र अर्कोतिर खारेज भइसकेका मुद्दा ब्युँताएर दमन खोजेको भन्दै जनविरोधी हर्कतको डटेर सामना गर्न चेतावनी दिएका छ्न ।
“हाम्रो पार्टीको निर्देशन र नेतृत्वमा जनताको निरन्तर सङ्घर्षका कारण न्यायालयले खारेज गरिसकेको उदयपुर र संखुवासभाको मुद्दालाई पुनः ब्युँताएको छ,” यो हर्कतको हामी कडा रूपमा सामना गर्न तयार छौ, विज्ञप्ति भनिएको छ ।
सरकारको यसप्रकारको चरित्रले मानवअधिकार, सामाजिक सुरक्षाको खिल्ली उडाएको विप्लवको ठहर छ । त्यस्तै उनले सरकारलाई ‘दलाल’को संज्ञा दिँदै जनतामाथि महँगी, भ्रष्टाचार, सामाजिक असुरक्षलाई बढावा दिइरहेको आरोप लगाएका छन ।
